უნივერსიტეტის ისტორია

1990 წელს სამცხე_ჯავახეთში დაარსდა პირველი უმაღლესი საგანმანათლებლო დაწესებულება თბილისის ივანე ჯავახიშვილის სახელობის სახელმწიფო უნივერსიტეტის ახალციხის ფილიალი. 1991 წელს ფილიალის ბაზაზე დაფუძნდა "ახალციხის დამოუკიდებელი უნივერსიტეტი", რომელიც 1995 წელს თსუ ახალციხის ფილიალს შეუერთდა, როგორც ფასიანი სწავლების განყოფილება.

2002 წელს თბილისის ივანე ჯავახიშვილის სახელობის სახელმწიფო უნივერსიტეტის ახალციხის ფილიალს ეწოდა თბილისის ივანე ჯავახიშვილის სახლობის სახელმწიფო უნივერსიტეტის მესხეთის ფილიალი.

2007 წლს მთავრობის №161 დადგენილებით თსუ მესხეთის ფილიალის ბაზაზე დაფუძნდა დამოუკიდებელი უმაღლესი საგანმანათლებლო დაწესებულება _ სსიპ ახალციხის ინსტიტუტი.

2007 წელს სსიპ ახალციხის ინსტიტუტმა გაიარა ინსტიტუციური აკრედიტაცია – მოიპოვა უმაღლესი საგანმანათლებლო დაწესებულების ლიცენზია.

2009 წელს მთავრობის №183 დადგენილებით სსიპ ახალციხის ინსტიტუტს მიენიჭა სასწავლო უნივერსიტეტის სტატუსი და ეწოდა სსიპ ახალციხის სახელმწიფო სასწავლო უნივერსიტეტი.

2011 წლის 14 დეკემბრის მთავრობის №476 დადგენილებით სსიპ ახალციხის სახელმწიფო სასწავლო უნივერსიტეტში განხორციელდა რეორგანიზაცია და ჩამოყალიბდა მისი უფლებამონაცვლე - ა(ა)იპ ახალციხის სახელმწიფო სასწავლო უნივერსიტეტი.

2012 წლის 3 ოქტომბერს მთავრობის 416 დადგენილებით განხორციელდა რეორგანიზაცია - ა(ა)იპ ახალციხის სახელმწიფო სასწავლო უნივერსიტეტისა და ახალქალაქის უმაღლესი საგანმანათლებლო დაწესებულება-კოლეჯის ბაზაზე ჩამოყალიბდა ა(ა)იპ სამცხე-ჯავახეთის სახელმწიფო სასწავლო უნივერსიტეტი

2013 წლის 30 ივლისის საქართველოს მთავრობის №194 დადგენილებით ა(ა)იპ სამცხე-ჯავახეთის სახელმწიფო სასწავლო უნივერსიტეტი  რეორგანიზებულ იქნა სსიპ სამცხე-ჯავახეთის სახელმწიფო სასწავლო უნივერსიტეტად.

2014 წლის 24 თებერვლის უმაღლესი საგანმანათლებლო დაწესებულების ავტორიზაციის საბჭოს №8 გადაწყვეტილებით   სსიპ სამცხე-ჯავახეთის სახელმწიფო სასწავლო უნივერსიტეტს მიენიჭა უმაღლესი საგანმანათლებლო დაწესებულების სტატუსი (უნივერსიტეტი).