2018 წლის 12 ივლისს, სამცხე-ჯავახეთის სახელმწიფო უნივერსიტეტში, პრეზიდენტის სარეზრვო ფონდის მხარდაჭერით დაიწყო სამოქალაქო ქმედების სკოლის სალექციო კურსი, რომელსაც ახორციელებს ა/ო ევროპულ-ქართული ინსტიტუტი.
სამოქალაქო ქმედების სკოლა არის პირველი პლატფორმა, რომელიც მონაწილეებს აძლევს უნიკალურ შესაძლებლობას აღმოაჩინონ საკუთარი პოტენციალი და ლექციებზე მიღებული ცოდნა გამოიყენონ პრაქტიკაში, აგრეთვე მიიღონ მონაწილეობა სხვადასხვა დისკუსიებსა და მსჯელობებში.
სამოქალაქო ქმედების სკოლა არის პროგრამა, რომლის ფარგლებშიც სტუდენტები გამოიმუშავებენ ანალიტიკური მსჯელობის უნარს, გაეცნობიან და განიხილავენ სახელმწიფო მნიშვნელობის საკითხებს, როგორც წარსულიდან, ასევე დღევანდელობიდან.
სამოქალაქო ქმედების სკოლის ინტენსიური კურსი ახალციხეში არის შესანიშნავი შესაძლებლობა უნივერსიტეტის სტუდენტებისთვის გაეცნონ სამოქალაქო ქმედების სკოლის ყველა მოდულს ინტენსიური კურსის ფარგლებში. სამცხე-ჯავახეთის სახელმწიფო უნივერსიტეტში 12 ივლისიდან 27 ივლისის ჩათვლით სკოლის ფარგლებში ჩატარდება სამოქალაქო ქმედების ხუთი მოდულის ინტენსიური კურსი. სამოქალაქო ქმედების მოდულებია:
პოლიტიკა, სამართალი,უსაფრთხოება,ეკონომიკა,გლობალური პოლიტიკა
12 ივლისს უნივერსიტეტში გაიმართა ქმედების სკოლის გაცნობითი ხასიათის შეხვედრა, რომლსაც უძღვებოდნენ ორგანიზაციის აღმასრულებელი დირექტორი შალვა ჩხეიძე, ორგანიზაციის პრეზიდენტი გიორგი მელაშვილი და ორგანიზაციის ბორდის წევრი ოთო ნადირაძე. სტუდენტები აქტიურად ჩაერთვნენ დისკუსიაში და ორგანიზაციის წარმომადგენლებმა მათთან ერთად შეარჩიეს სამომავლო კურსის თემატიკა და დრო. კურსის ბოლოს სტუდენტებს გადაეცემათ სერტიფიკატები და ექნებათ საშუალება ჩაერთონ სამოქალაქო ქმედების სკოლის სამომავლო პროექტებში.

kmedeba

სტუდენტთა საყურადღებოდ! გთავაზობთ გერმანიაში, ვაიშენტეფან-ტრიდორფის უნივერსიტეტში უფასო სწავლას და სტიპენდიას. აღნიშნული უნივერსიტეტი ერთ-ერთი ცნობილი უმაღლესი საგანმანათლებლო დაწესებულებაა ევროპულ საგანმანათლებლო სივრცეში.
იმისათვის, რომ ისწავლოთ აღნიშნულ სასწავლებელში სრულიად უფასოდ საჭიროა იყოთ სამცხე-ჯავახეთის სახელმწიფო უნივერსიტეტის აგრონომიის მიმართულების სამაგისტრო პროგრამის სტუდენტი და სათანადოდ ფლობდეთ გერმანულ ენას.  გერმანული ენის უკეთ დაუფლებაში ჩვენი უნივერსიტეტი დაგეხმარებათ. ასევე უნივერსიტეტში მიიღებთ უფასო კონსულტაციებს. დამატებითი ინფორმაციისათვის ეწვიეთ:
საზღვარგარეთთან ურთიერთობების მიმართულება, პირველი კორპუსი, ოთახი 304

2018 წლის 9 ივლისს საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ჰუმანიტარულ მეცნიერებათა და სამართლის სკოლის სადოქტორო საგანმანათლებლო პროგრამა ,,ქართველური ენათმეცნიერების“სადისერტაციო საბჭოს სხდომაზე ფევზი ჩელებიმ დაიცვასადოქტორო დისერტაცია თემაზე –„დუზჯეს მხარეში (თურქეთის რესპუბლიკა) მცხოვრები ქართველების მეტყველების თავისებურებანი“. სადოქტორო საბჭოს მუშაობაში მონაწილეობდნენ სამცხე-ჯავახეთის სახელმწიფო უნივერსიტეტის პროფესორები: მერაბ ბერიძე და მაკა ბერიძე. სადისერტაციო კომისიას თავმჯდომარეობდა მერაბ ბერიძე.

wmida andria

2018 წლის 7 ივლისს აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის სადოქტორო საბჭოს სხდომაზე ქეთევანგურჩიანმა დაიცვა სადოქტორო დისერტაცია თემაზე „თურმეობითის მწკრივთა წარმოება სვანურ კილოებში (დიალექტურ მონაცემთა შეპირისპირებითი ანალიზი)“. სადოქტორო საბჭოს მუშაობაში მონაწილეობდნენ სამცხე-ჯავახეთის სახელმწიფო უნივერსიტეტის პროფესორები: მერაბ ბერიძე და მაკა ბერიძე. სადისერტაციო კომისიას თავმჯდომარეობდა მაკა ბერიძე.

akaki

2018 წლის 5 ივლისს, სამცხე-ჯავახეთის სახელმწიფო უნივერსიტეტის II კორპუსის ზაზაძის სახელობის საკონფერენციო დარბაზში გაიმართა შეხვედრა თემაზე ,,საქართველოს საპენსიო რეფორმის ალტერნატიული ხედვა“, რომელსაც პარლამენტის დეპუტატები ფრაქცია,,ქართული ოცნება სოციალ-დემოკრატებიდან“ გია ჟორჟოლიანი და ბექა ნაცვლიშვილი.უძღვებოდნენ.
დაგეგმილი შეხვედრა გახსნა და მოწვეულ სტუმრებს მიესალმა სამცხე-ჯავახეტის სახელმწიფო უნივერსიტეტი რექტორი მაკა ბერიძე, რექტორის მოადგილე სამეცნიერო დარგში პროფესორი მერაბ ბერიძე.
უნივესრიტეტის თანამშრომლებთან ერთად შეხვედრას ქალაქის საჯარო სამსახურების წარმომადგენლები და საპენსიო ასაკის მოქალაქეები ესწრებოდნენ. მათ მოისმინე დეტალური ინფორმაცია საპენსიო რეფორმასთან დაკავშირებით და კითხვა -პასუხის რეჟიმში ვრცლად ისაუბრეს ამ რეფორმის რისკებსა და სიკეთეებზე.
ღონისძიება „საზოგადოების კვლევის ცენტრის“ ორგანიზებით გაიმართა. მას ფინანსურ მხარდაჭერას ფრიდრიხ ებერტის ფონდი უწევს.

sapensio

2018 წლის 11 ივნისიდან სამცხე-ჯავახეთის სახელმწიფო რწმუნებულის-გუბერნატორის ინიციატივით დაიწყო გასვლითი, სამუშაო ტურები სამცხე-ჯავახეთის მუნიციპალიტეტებში ადგილობრივი შესაძლებლობების შესწავლის მიზნით.
უკვე განხორციელდა სამი ტური: ახალციხის, ასპინძის და ადიგენის მუნიციპალიტეტებში. ვიზიტების დროს ხორციელდება სპორტულ-კულტრული, დასუფთავების ღონისძიებები, მუნიციპალიტეტებში არსებული ტურისტული ობიექტებისა და ისტორიული ძეგლების მონახულება, ადგილობრივ მაცხოვრებლებთან შეხვედრა.
ტურებში მონაწილეობას იღებდა სამცხე-ჯავახეთის სახელმწიფო რწმუნებული-გუბერნატორი კახა სამხარაძე, სამხარეო ადმინისტრაციისა და თვითმმართველობების წარმომადგენლები, მუნიციპალიტეტების მაჟორიტარი დეპუტატები.
ტურებში ჩართულნი არიან სამცხე-ჯავახეთის სახელწმიფო უნივერსიტეტის სტუდენტები. თითოეულ ტურში მონაწილეობას იღებს 20-მდე სტუდენტი, რომელიც აქტიურად არის ჩართული მუნიციპალიტეტების შესწავლის პროცესში. სტუდენტების აქტივობა გრძელდება ტურების შემდეგაც. ხორციელდება შეხვედრები სამხარეო ადმინისტრაციის წარმომადგენლებთან, ხდება მოპოვებული მონაცემების დამუშავება და სამომავლო აქტივობების დაგეგმვა.

28 ივნისს, სამცხე-ჯავახეთის სახელმწიფო უნივერსიტეტის პირველ კორპუსში 2018 წლის კურსდამთავრებულთა გამოსაშვები ცერემონია გაიმართა. უნივერსიტეტის საზეიმოდ მორთულ ეზოში, ტრადიციულად მანტიებში გამოწყობილმა ორასამდე კურსდამთავრებულმა მოიყარა თავი.უნივერსიტეტი თავის კურსდამთავრებულებს სპეციალურად მათთვის შემუშავებული პროგრამით შეხვდა.
უნივერსიტეტის რექტორმა, ასოცირებულმა პროფესორმა მაკა ბერიძემ გახსნა ღონისძიება და კურსდამთავრებულებს უნივერსიტეტის დამთავრება და ახალი ცხოვრების დაწყება მიულოცა:
,,სამცხე-ჯავახეთის სახელმწიფო უნივერსიტეტი ესალმება თავის კიდევ ერთ გამოშვებას, კურსდამთავრებულებს. გილოცავთ ცხოვრების ახალ საფეხურზე ასვლას. ჩვენმა უნივერსიტეტმა, პროფესურამ ყველაფერი გააკეთა თქვენი განათლებისათვის, ჩამოაყალიბა საუნივერსიტეტო პროფესიული და ეროვნული ტრადიცია, რომელიც გაგინათებთ ცხოვრებას. თქვენ უნდა ემსახუროთ სამშობლოს, თქვენ უნდა შექმნათ მომავალი, გააძლიეროთ და ახალ სიმაღლეებზე აიყვანოთ საქართველო.წინაპრების მიერ შექმნილი დღევანდელობა საწინდარია მომავლისა. წინ მომავლისაკენ!“
კურსდამთავრებულებს, ეს ღირსშესანიშნავი დღე, მიულოცეს რექტორის მოადგილეებმა: პროფესორმა მერაბ ბერიძემ, ასოცირებულმა პროფესორებმა ნიკოლოზ ახალკაცმა და ვასილ მოსიაშვილმა, ფაკულტეტის დეკანებმა და დეკანის მოადგილეებმა.
ასევე, მისალოცი სიტყვით გამოვიდნენ თავად კურსდამთავრებულები და დიდი მადლობა გადაუხადეს უნივერსიტეტს და პროფესორ-მასწავლებლებს საინტერესოდ და ნაყოფიერად გატარებული წლებისათვის.
ღონისძიების ოფიციალური ნაწილი ყველასთვის დასამახსოვრებელი რიტუალით - ქუდების ცაში ასროლით დასრულდა.

damtavreba

2018 წლის 19 ივნისს, სამცხე-ჯავახეთის სახელმწიფო უნივერსიტეტის პირველმა კორპუსმა ხალხმრავალ ღონისძიებას-მოხალისეობის ფორუმს უმასპინძლა. ფორუმში მონაწილეობა ახალციხის მუნიციპალიტეტში მოქმედმა 16 ორგანიზაციამ მიიღო, მათ შორის ადგილობრივი არასამთავრობო ორგანიზაციების, თვითმმართველობის, საგანმანათლებლო, ბიზნესისა და მედიასაშუალებების წარმომადგენლები იყვნენ. მოხალისეობის მსურველები კი ძირითადად სამცხე-ჯავახეთის სახელმწიფო უნივერსიტეტის სტუდენტები იყვნენ, რომელთაც მიეცათ შესაძლებლობა დამსაქმებლებისათვის საკუთარი შესაძლებლობა შეეთავაზებინათ და შესაბამისად ანკეტა კითხვარების საშუალებით თითოეულ მათგანს აერჩია ის ორგანიზაცია, სადაც მოხალისეებად იმუშავებენ.
მოხალისეობის ფორუმი ორგანიზებული იყო დემოკრატ მესხთა კავშირის მიერ, განათლების განვითარების და დასაქმების ცენტრის მხარდაჭერით და ,,სამოქალაქო საზოგადოების განვითარების ინიციატივის“(2017-2020) ფარგლებში. ინიციატივა მიზნად ისახავს საქართველოში სამოქალაქო საზოგადოების გარემოს გაუმჯობესებას, საზოგადოებრივი ორგანიზაციების გაძლიერებას, მათი ანგარიშვალდებულების გაზრდას მოქალაქეების მიმართ.
პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

dasaqmebaa

სტუდენტთა საყურადღებოდ! მიმდინარე წლის 15-20 ივლისს, სამცხე-ჯავახეთის სახელმწიფო უნივერსიტეტში დაგეგმილია საერთაშორისო საზაფხულო სკოლა „მეგობრობა საზღვრების გარეშე“, სადაც მონაწილეობას მიიღებენ სტუდენტები, უკრაინიდან, პოლონეთიდან, სომხეთიდან, ბულგარეთიდან და რუმინეთიდან. მიმდინარეობს მონაწილეების შერჩევა სამცხე-ჯავახეთის სახელმწიფო უნივერსიტეტიდან. საზაფხულო სკოლა ხუთდღიანია და მოიცავს სხვადასხვა სახის აქტივობებს. სკოლაში სწავლება ინგლისურად წარიმართება და მონაწილეობა უფასოა. მსურველებმა დეტალური ინფორმაციის მისაღებად მიმართეთ საზღვარგარეთთან ურთოიერთობის მიმართულებას, ოთახი 304. ან მოგვწერეთ შემდეგ საკონტაქტო მეილზე: JLIB_HTML_CLOAKING

გისურვებთ ზაფხულის სასიამოვნოდ და შინაარსიანად გატარებას!

2018 წლის 8 ივნისს, სამცხე-ჯავახეთის სახელმწიფო უნივერსიტეტის სტუდენტთა ჯგუფი, ორგანიზატორებთან ერთად (ახალციხისა და ახალქალაქის კორპუსებიდან) იმყოფებოდა თბილისში, აღმოსავლეთ საქართველოს დასაქმების ფორუმში მონაწილეობის მისაღებად, რომელიც გაიმართა სასტუმრო ქორთიარდ მარიოტში. პროექტში მონაწილეობას ღებულობდნენ საქართველოში ცნობილი მსხვილი კომპანიები, რომელთაც ფორუმზე წარმოდგენილი ჰქონდათ ღია ვაკანტური ადგილები. სტუდენტებს საშუალება ჰქონდათ მათთვის სასურველი ორგანიზაციების წარმომადგენლებს გასაუბრებოდნენ პირისპირ და დამსაქმებლის წინაშე მაქსიმალურად გამოევლინათ საკუთარი შესაძლებლობები. სამცხე-ჯავახეთის სახელმწიფო უნივერსიტეტს გამოყოფილი ჰქონდა საპიაროდ ერთი კუთხე, სადაც წარმოდგენილი იყო უნივერსიტეტის გამომცემლობაში დაბეჭდილი სარეკლამო, სამეცნიერო და სხვა ლიტერატურა.

dasaqmeba