სიახლეები

 

2017 წლის 29 ივნისს, სამცხე-ჯავახეთის სახელმწიფო უნივერსიტეტში გაიმართა განათლების, ჰუმანიტარულ და სოციალურ მეცნიერებათა ფაკულტეტის საბაკალავრო და სამაგისტრო ნაშრომების დაცვა. სამაგისტრო ნაშრომების დაცვა ქართველურ ენათმეცნიერებასა და ქართული ლიტერატურის ისტორიაში შედგა, ხოლო საბაკალავრო ნაშრომების   შემდეგ მიმართულებებში: ქართული ფილოლოგიის ,ისტორიის, ჟურნალისტიკისა და ინგლისური ფილოლოგიის სპეციალობებში. საგამოცდო კომისიებმა დადებითად შეაფასეს სტუდენტთა ნამუშევრები და გამოცდაზე გასულმა ყველა სტუდენტმა უნივერსიტეტი დაამთავრა. სამცხე - ჯავახეთის სახელმწიფო უნივერსიტეტი ულოცავს კურსდამთავრებულ;ებს ბაკალავრის და მაგისტრის აკადემიური ხარისხის მინიჭებას, უსურვებს წინსვლას და შემდგომ წარმატებას. 

dac 1dac 2dac 3dac 4

 

თამუნა მურჯიკნელის წარმატება. თბილისში ახალი უმაღლესი სასწავლებლის ორგანიზებით გამართულ მეოთხე სამეცნიერო კონფერენციაში, რომელიც წარმოდგენილი იყო სამი სექციით: ბიზნესისა და ტურიზმის სექცია; სოციალურ მეცნიერებათა სექცია და სამართლის სექცია.ახალი უნივერსიტეტის სტუდენტების გარდა მონაწილეობა 50-მა მომხსენებელმა მიიღო და საინტერესო მოხსენებებით,ღირსეული კონკურენცია გაუწია ერთმანეთს.სამართლის სექციაში მოხსენებით "ორსულ ქალთა შრომითი უფლებები საქართველოს კანონმდებლობის მიხედვით",მონაწილეობა სამცხე-ჯავახეთის სახელმწიფო უნივერსიტეტის, იურიდიული ფაკულტეტის მე-3 კურსის სტუდენტმა თამარ მურჯიკნელმაც მიიღო.

კონფერენციაში მონაწილე სტუდენტებს შორის კომპეტენტურმა ჟიურიმ პირველი, მეორე და მესამე ადგილზე გასული მონაწილეები გამოავლინა. მეორე ადგილის მფლობელი გახდა სამცხე-ჯავახეთის სახელმწიფო უნივერსიტეტის სტუდენტი თამუნა მურჯიკნელი, რომელიც ახალი უმაღლესი სასწავლებლის რექტორმა, ქალბატონმა თამარ გარდაფხაძემ კაბადოკიის საგზურით დააჯილდოვა. სამცხე-ჯავახეთის სახელმწიფო უნივერსიტეტი ულოცავს თამუნას ამ საპატიო ჯილდოს.

murjiknelimurjikneli 2murjikneli 1murjikneli 3

 

2017 წლის 22 ივნისს, ახალციხის ციხის ტერიტორიაზე გაიმართა სამცხე-ჯავახეთის სახელმწიფო უნივერსიტეტის 2017 წლის კურსდამთავრებულთა საზეიმო გაცილების ცერემონიალი. ღონისძიება მისასალმებელი სიტყვით გახსნა უნივერსიტეტის რექტორმა, პროფესორმა მერაბ ბერიძემ, რასაც მოჰყვა წარმატებული მაგისტრანტებისა და ბაკალავრების დაჯილდოება, რომელთაც სიგელები და წიგნები გადასცეს პროფესორებმა: ლავრენტი ჩიბურდანიძემ, როინ თათეშვილმა, ცისკარა ზარანდიამ, ლერი ნოზაძემ. შიდასაუნივერსიტეტო ტურნირში მონაწილე სპორტსმენები სიგელებით დააჯილდოვა კულტურისა და სპორტის განყოფილების უფროსმა თემურ მაღრაძემ.

ღონისძიებაზე საკუთარი ლექსით წარსდგა იურიდიული ფაკულტეტის პირველკურსელი მირზა ბურძენაძე, სიმღერით განათლების, ჰუმანიტარულ და სოციალურ მეცნიერებათა ფაკულტეტის პირველკურსელი ანა კაცაძე, ქორეოგრაფიული ნომრით  უნივერსიტეტის ანსამბლი ,,ახალციხე“.

კურსდამთავრებულთა საზეიმო  ცერემონიალი ქუდების ცაში ასროლით დასრულდა.  

საღამო დასრულდა კლუბური მუსიკით, რომელსაც უძღვებოდა ბიზნესის ადმინისტრირების მეორე კურსელი, დიჯეი (DJ) თორნიკე კვინცხაძე.

mantiamantia 3mantia 1mantia 2

 

2017 წლის 22 ივნისს, სამცხე-ჯავახეთის სახელმწიფო უნივერსიტეტის მეორე კორპუსში ჩატარდა ბიზნესის ადმინისტრირების (აუდიტი, აგრობიზნესის მენეჯმენტი, უძრავი ქონების ადმინისტრირება) სამაგისტრო პროგრამის სტუდენტთა სამაგისტრო ნაშრომების დაცვა. წარმოდგენილი იყო სამივე მოდულის 16 სამაგისტრო ნაშრომი. ნაშრომებმა უმეტესად ბიზნესის ადმინისტრირების ფუნქციონალური სფეროების (აღრიცხვა, აუდიტი, მენეჯმენტი, მარკეტინგი, ფინასები, უძრავი ქონების მართვა) პრობლემები და მათი გადაჭრის გზები წარმოაჩინა. სამაგისტრო ნაშრომების დაცვამ წარმატებით და საინტერესოდ ჩაიარა.

magistrimagistri1magistri 2magistri 3

 

2017 წლის 22 ივნისს , სამცხე-ჯავახეთის სახელმწიფო უნივერსიტეტში განათლების, ჰუმანიტარულ და სოციალურ მეცნიერებათა ფაკულტეტზე  ჩატარდა საბაკალავრო-პროგრამა -დიზაინზე ჩარიცხვისათვის დარეგისტრირებულ აბიტურიენტთა შემოქმედებითი ტური. ტურში მონაწილეობდა რვა აბიტურიენტი და მათი შესასრულებელი დავალება იყო ნატურმორტი ფანქრით.

ქვის, ხისა და ლითონის მხატვრული დამუშავების ფაკულტეტი უნივერსიტეტში 1993 წლიდან არსებობდა. რიგი მიზეზების გამო ფაკულტეტმა შეწყვიტა ფუნქციონირება და ამჟამად რექტორატის ძალისხმევის შედეგად უკვე მეორე წელია უნივერსიტეტში ხორციელდება მიღება დიზაინის საბაკალავრო პროგრამაზე.

შემოქმედებითმა ტურმა მშვიდ გარემოში ჩაიარა. 

mxatvarimxatvari 1

 

2017 წლის 20 ივნისს 14:00 საათზე, "საქართველოს დებატებისა და განათლების ინსტიტუტმა" პრეზიდენტის სარეზერვო ფონდის მხარდაჭერით, სამცხე-ჯავახეთის სახელმწიფო უნივერსიტეტის პავლე ზაზაძის საკონფერენციო დარბაზში  პროექტის "დებატების ახალგაზრდული კლუბების ქსელი" ფარგლებში გამართა დებატები თემაზე:"კონსტიტუციის განხილვაში ახალგაზრდების ჩართვა გამართლებულია". საჯარო დებატები საქართველოს მასშტაბით სტუდენტებს შორის ჩატარებულ ღონისძიებათა სერიის ერთ-ერთი აქტივობაა,რომელიც სხვადასხვა მნიშვნელოვანი თემის გარშემო საჯარო დისკუსიის ინიცირებასა და პრობლემური საკითხების საზოადოებრივ სივრცეში განხილვას ემსახურება. მიმდინარე თემა შერჩეული იყო მისი აქტუალურობიდან გამომდინარე, სტუდენტების და საზოგადოების სხვა ჯგუფების წარმომადგენლებისთვის.

ღონისძიება გახსნა სამცხე-ჯავახეთის სახელმწიფო უნივერსიტეტის რექტორის მოადგილემ სამეცნიერო დარგში, ასოცირებულმა პროფესორმა მაკა კაჭკაჭიშვილი-ბერიძემ. პროექტის მონაწილეებს მიესალმა პრეზიდენტის მრჩეველი ეკონომიკის საკითხებში მაია მელიქიძე. საქართველოს დებატებისა და განათლების ინსტიტუტის დირექტორმა თინათინ ცერცვაძემ გააკეთა პროექტის პრეზენტაცია.

დებატებში მონაწილეობდა ორი გუნდი: მტკიცებითი და უარმყოფელი. თითოეულ გუნდს წარმოადგენდა სამი სპიკერი. დებატების შედეგები შეაფასა საქართველოს დებატებისა და პროგრამების ხელმძღვანელმა და ტრენერმა, სოფიო ვეფხვაძემ. საბოლოოდ დებატებში გაიმარჯვა უარმყოფელმა გუნდმა.

ღონისძიებას ესწრებოდნენ მოწვეულ სტუმართა შორის,პრეზიდენტის ადმინისტრაციის თანამშრომლები, სამცხე-ჯავახეთის სახელმწიფო უნივერსიტეტის პროფესორ-მასწავლებლები, მოქმედი მოდებატე სტუდენტები, ჟურნალისტები, საზოგადოების აქტიური წევრები.

d1d2d3d4

 

2017 წლის 19 ივნისს, 14:00 საათზე, სამცხე-ჯავახეთის სახელმწიფო უნივერსიტეტის II კორპუსში პავლე ზაზაძის საკონფერენციო დარბაზში გაიმართა მათემატიკის რეგიონულ ოლიმპიადაში წარმატებულ მოსწავლეთა და მათ პედაგოგთა დაჯილდოების ცერემონიალი. 

4 ივნისს, სამცხე-ჯავახეთის სახელმწიფო უნივერსიტეტის ინიციატივით გამართულ მათემატიკის რეგიონულ ოლიმპიადაზე, რომელშიც სამცხე-ჯავახეთის რეგიონის ხუთი მუნიციპალიტეტის საჯარო სკოლების VII-XII კლასების 301 მოსწავლე მონაწილეობდა, გამოვლინდა 145 გამარჯვებული მოსწავლე. მათ შორის საუკეთესო შედეგი (10 ქულა) აჩვენა სამმა მოსწავლემ-მარიამ მაგრაქველიძემ(სსიპ-ასპინძის N1საჯარო სკოლა,პედაგოგი ელდარ კლდიაშვილი);ანი ჩილინგარიშვილმა (სსიპ-ადიგენის მუნიციპალიტეტის სოფ.არლის საჯარო სკოლა, პედაგოგი ცირა ვარდიძე); ეთერ მიქელაძემ (სსიპ-ქ.ახალქალაქის N3 საჯარო სკოლა, პედაგოგი მარინა თაქთაქიძე).

წარმატებულ მოსწავლეებს მიესალმნენ და გამარჯვება მიულოცეს სამცხე-ჯავახეთის სახელმწიფო უნივერსიტეტის რექტორმა, პროფესორმა მერაბ ბერიძემ; რექტორის მოადგილემ მაკა კაჭკაჭიშვილი-ბერიძემ;ინჟინერიის, აგრარულ და საბუნებისმეტყველო მეცნიერებათა ფაკულტეტის დეკანმა, პროფესორმა გიორგი მესხმა; ოლიმპიადის ორგანიზატორმა, პროფესორმა რევაზ ჭიღლაძემ.  

მისალმების შემდეგ გაიმართა მოსწავლეთა, მათ პედაგოგთა, გამარჯვებული სკოლის მასწავლებელთა დაჯილდოების ცერემონიალი, რომელსაც თავად რექტორმა, პროფესორმა მერაბ ბერიძემ უხელმძღვანელა. მან მადლობა გადაუხადა ოლიმპიადის მთავარ ორგანიზატორსა და ინიციატორს, პროფესორ რევაზ ჭიღრაძეს. 

ოლიმპიადის შედეგებიდან გაირკვა , რომ ხუთი საუკეთესო სკოლის (ახალქალაქის N5 საჯარო სკოლა, უდის N1 საჯარო სკოლა,ვალეს N1 საჯარო სკოლა,ახალციხის კერძო სკოლა "მზექა") მოსწავლეები , მეორე ეტაპზე, შემოდგომით შეეჯიბრებიან ერთმანეთს და ის სკოლა ,რომელთა მოსწავლეებიც გაიმარჯვებენ გადაეცემა "უნივერსიტეტის გარდამავალი თასი"- აღნიშნა ბატონმა რევაზმა.

mat1matmat2mat3

 

2017 წლის 16 ივნისს, ქუთაისის აკაკი წერეთლის სახელმწიფო უნივერსიტეტში გაიმართა ქართველური ენათმეცნიერების მიმართულების მაგისტრანტთა და დოქტორანტთა მე-10 რესპუბლიკური სამეცნიერო (საიუბილეო) კონფერენცია. სამცხე-ჯავახეთის სახელმწიფო უნივერსიტეტიდან კონფერენციაში მონაწილეობას ექვსი სტუდენტი იღებდა. მოხსენებები ეხებოდა ეთნოკულტურული ისტორიისა და ცალკეული ენათმეცნიერული მიმართულებების კვლევა-ძიებას. 

q1q2q3q4

 

2017 წლის 15 ივნისს, სამცხე-ჯავახეთის სახელმწიფო უნივერსიტეტის მესამე კორპუსში ჩატარდა ბიზნესის ადმინისტრირების საბაკალავრო პროგრამის საბუღალტრო აღრიცხვის მოდულის IV კურსის სტუდენტთა პრაქტიკის დაცვა.სტუდენტებმა პრაქტიკა გაიარეს შპს „ალპენ მილკში“, რომელიც მდებარეობს ახალქალაქში. პრაქტიკას ხელმძღვანელობდა პრაქტიკოსი მასწავლებელი, დოქტორანტი კარლო ხუციშვილი. წარმოდგენილი იყო ახალქალაქის ჯგუფიდან 8 სტუდენტის და ახალციხის ჯგუფიდან 9 სტუდენტის პრაქტიკის ანგარიში. პრაქტიკის დაცვამ წარმატებით ჩაიარა, გამოიკვეთა რამდენიმე საუკეთესო სტუდენტი, რომლებიც დაჯილდოვდნენ სტუდენტთა საზეიმო გაცილების ცერემონიალზე.

bakalavribakalavri 2

 

2017 წლის 14-15 ივნისს, სამცხე-ჯავახეთის სახელმწიფო უნივერსიტეტის II კორპუსში, პავლე ზაზაძის სახელობის საკონფერენციო დარბაზში ინჟინერიის, აგრარულ და საბუნებისმეტყველო ფაკულტეტის ორგანიზებით ჩატარდა ორდღიანი საპილოტე ტრენინგი, რომელიც მოსავლის აღების შემდგომი პროცესების მართვას შეეხებოდა. ტრენინგი საქართველოს ლოჯისტიკის ასოციაციამ(GLE) პროექტ USAID ZRDA-სთან თანამშრომლობით განხორციელდა. 

პროექტი მიმდინარეობს საქართველოს ხუთ რეგიონში: შიდა ქართლი,ქვემო ქართლი,სამცხე-ჯავახეთი, სამეგრელო, პანკისის ხეობა და მისი მიზანია ხილისა და ბოსტნეულის მოსავლის შემდგომი პროცესების მართვაში მონაწილე მხარეების კვალიფიკაციის ამაღლება და მათთვის საუკეთესო პრაქტიკის გაცნობა, როგორც თეორიული, ასევე პრაქტიკული მაგალითების საფუძველზე.

ზემოაღნიშნული პროექტი მოიცავს სასერტიფიკატო კურსის ოთხ მოდულს: ხილის მოსავლის აღების შემდგომი დარეგულირება და მართვა,ბოსტნეულის მოსავლის აღების დარეგულირება და მართვა,მარკეტინგი,ექსპორტის მართვა. ოთხივე მოდულის გავლის შემდეგ მონაწილე მიიღებს სერტიფიკატს და მიენიჭებამოსავლის აღების შემდგომი დამუშავების სპეციალისტის კვალიფიკაცია.

ტრენინგს უძღვებოდნენ: აგროექსპერტი ილია მჭედლიძე და სოფლის მეურნეობის სამეცნიერო კვლევითი ცენტრის დეპარტამენტის უფროსი ზვიად ბობოქაშვილი.

 

xilixili1xili2

 

2017 წლის 10 ივნისს, სამცხე-ჯავახეთის სახელმწიფო უნივერსიტეტის პავლე ზაზაძის სახელობის საკონფერენციო დარბაზში  ჩატარდა კონფერენცია თემაზე:  "სამოქმედო კვლევა სკოლაში". კონფერენცია ჩატარდა სამოქალაქო განვითარების ინსტიტუტის (CDI) Word Vision-თან პარტნიორობითა და ევროკავშირის დაფინანსებით განხორციელებული პროექტის "ახალგაზრდული ჯგუფების მხარდაჭერა ეფექტური და მდგრადი განვითარებისათვის" ფარგლებში.

პროექტის ფარგლებში გამართულ კონფერენციაზე მონაწილეობა მიიღეს: სამცხე-ჯავახეთის სახელმწიფო უნივერსიტეტის პროფესორებმა,სტუდენტებმა,საჯარო სკოლის დირექტორებმა, მასწავლებლებმა და მოსწავლეებმა.

კონფერენციაზე წარმოდგენილი იქნა პროექტის ფარგლებში განხორციელებული სამოქმედო კვლევები, მიღებული შედეგები და გამოცდილება.  უნივერსიტეტში სამოქმედო კლევის შესახებ პრეზენტაცია გააკეთა სამცხე-ჯავახეთის სახელმწიფო უნივერსიტეტის პროფესორმა გულიკო ბექაურმა. 

m 1m2m3m4

 

2017 წლის 9 ივნისს, სასტუმრო „ალავერდში“ გაიმართა სამცხე-ჯავახეთის სახელმწიფო უნივერსიტეტის 2017 წლის კურსდამთავრებულთა საზეიმო გაცილება. კურსდამთავრებულებს სიტყვით მიმართა და უნივერსიტეტის დამთავრება მიულოცა სამცხე-ჯავახეთის სახელმწიფო უნივერსიტეტის რექტორმა , პროფესორმა მერაბ ბერიძემ. ბატონი მერაბი მათ  წარმატებისა და წინსვლის სურვილებით დაემშვიდობა. გაცილება განსხვავებული ფორმით აღინიშნა. ეს იყო კლუბური საღამო, სადაც უკრავდა საქართველოში ცნობილი დიჯეი გიგა პაპასკირი და მღეროდა ელენე მიქიაშვილი. საღამოს საქველმოქმედო ხასიათი ჰქონდა. შემოსავლის ნაწილი გადაირიცხა, ჩვენი თანაქალაქელის დავით გასიტაშვილის დახმარების ფონდში.

ღონისძიება გაიმართა სამცხე-ჯავახეთის სახელმწიფო უნივერსიტეტის სტუდენტური თვითმმართველობის ინიციატივითა და ორგანიზებით. სტუდენტური თვითმმართველობის პრეზიდენტი ლევან აფციაური  მადლობას უხდის  ყველა იმ სპონსორს, რომლებმაც მონაწილეობა მიიღეს ღონისძიებაში: სამცხე-ჯავახეთის სახელმწიფო უნივერსიტეტი, რესტორანი „ალავერდი“, "ნატახტარი", "კოკა-კოლა", "ნაბეღლავი", "ბუმი", სასტუმრო „ტიფლისი“, ნამცხვრისა და პიცის სახლი, შპს "აჯა", "SPRITERAMO".

კურსდამთავრებულთა საზეიმო გაცილების უსაფრთხოება უზრუნველყო შსს-სსიპ დაცვის პოლიციის დეპარტამენტის სამცხე-ჯავახეთის რეგიონული დაცვის პოლიციის სამმართველომ.

G1G2G3

 

2017 წლის 4 ივნისს, სამცხე-ჯავახეთის სახელმწიფო უნივერსიტეტში ჩატარდა სამცხე-ჯავახეთის რეგიონის მოსწავლეთა ოლიმპიადა მათემატიკაში. ოლიმპიადაში მონაწილეობა მიიღეს სამცხე-ჯავახეთის რეგიონის ხუთივე მუნიციპალიტეტის საჯარო სკოლების მოსწავლეებმა (VII-XII კლასების 301 მოსწავლე).  ოლიმპიადა ერთდროულად მიმდინარეობდა უნივერსიტეტის სამივე კორპუსში. 

ოლიმპიადა გაიხსნა II კორპუსში, მონაწილეებს მიესალმნენ სამცხე-ჯავახეთის სახელმწიფო უნივერსიტეტის რექტორი, პროფესორი მერაბ ბერიძე, რექტორის მოადგილე სამეცნიერო დარგში, ასოცირებული პროფესორი მაკა კაჭკაჭიშვილი-ბერიძე, ინჟინერიის, აგრარულ და საბუნებისმეტყველო მეცნიერებათა ფაკულტეტის დეკანი, პროფესორი გიორგი მესხი, ხოლო III (ახალქალაქი) კორპუსში მონაწილეებს უმასპინძლეს ფიზიკა-მათემატიკის მეცნიერებათა დოქტორმა, პროფესორმა რევაზ ჭიღლაძემ და რექტორის მოადგილემ, ასოცირებულმა პროფესორმა ვასილ მოსიაშვილმა.

გამარჯვებული მოსწავლეები, მათი პედაგოგები და საუკეთესო სკოლა დაჯილდოვდებიან სერტიფიკატებითა და პრიზებით.

 

2017 წლის  2 ივნისს, სამცხე-ჯავახეთი სახელმწიფო უნივერსიტეტს სტუმრად ეწვია ფილოლოგიურ მეცნიერებათა დოქტორი, კავკასიოლოგი, ასოცირებული პროფესორი და საჯარო ბიბლიოთეკის  თანამშრომელი, პროფესორი, ვლადიმერ კიკილაშვილი.  უნივერსიტეტის სამეცნიერო ბიბლიოთეკაში ვლადიმერ კიკილაშვილმა  დამსწრე საზოგადოებას პრეზენტაციის სახით წარუდგინა მრავალპროფილიანი ელექტრონული ჟურნალი კავკასიის შესახებ  "კავკასია, ბუნება და ხალხი". ისაუბრა ჟურნალის სპეციფიკასა და მნიშვნელობაზე. დაიგეგმა სამომავლო თანამშრომლობა. 

78