„მსოფლიო უნივერსიტეტების ვებომეტრიული რეიტინგის“ მიხედვით, რომელიც ეკუთვნის, ესპანეთის უმსხვილეს საზოგადოებრივ კვლევით ორგანოს (ConsejoSuperior de Investigaciones Científicas (CSIC)), სსიპ სამცხე-ჯავახეთის სახელმწიფო უნივერსიტეტი ამიერკავკასიის 50 საუკეთესო უნივერსიტეტს შორისაა 39-ე ადგილით.

საამაყოა, რომ რეიტინგის სიას ლიდერობს სამი ქართული სახელმწიფო უნივერსიტეტი.

სამცხე-ჯავახეთის სახელმწიფო უნივერსიტეტი რეგიონული უნივერსიტეტების სამეულშია, ხოლო სახელმწიფო უნივერსიტეტებს შორის მე-7 ადგილს იკავებს.

რეიტინგი განსაზღვრავს მსოფლიო უნივერსიტეტებს შორის, ასევე ევროპის უნივერსიტეტებს შორის ადგილებსაც. სამცხე-ჯავახეთის სახელმწიფო უნივერსიტეტი მსოფლიოს 32 164 უნივერსიტეტიდან იკავებს 14 292-ე ადგილს, ხოლო ევროპის 6 036 უნივერსიტეტიდან 3 226-ე ადგილს.

მსოფლიო უნივერსიტეტების ვებომეტრიული რეიტინგის შემუშავებისას გათვალისწინებული მთავარი ინდიკატორი იყო სამეცნიერო აქტივობა და ბიბლიომეტრული მეთოდებით მიღებული შედეგები.

ვულოცავთ უნივერსიტეტის პროფესურასა და სტუდენტობას მიღწეულ წარმატებას.https://webometrics.info/en/Europe