სსიპ – სამცხე-ჯავახეთის სახელმწიფო უნივერსიტეტის აკადემიური საბჭო, მოქმედი კანონმდებლობისა და უნივერსიტეტის შიდა ნორმატიული აქტების შესაბამისად, აცხადებს რექტორის არჩევნებს. იხილეთ ბრძანება
არჩევნებისა და საჯარო განხილვის თარიღები
| ღონისძიება | თარიღი | დრო |
| რექტორის არჩევნები | 2026 წლის 30 იანვარი | 14:00 საათი |
| სამოქმედო გეგმის საჯარო განხილვა | 2026 წლის 27 იანვარი | 14:00 საათი |
1. რეგისტრაციის ვადა
რექტორის არჩევნებში მონაწილე კანდიდატების რეგისტრაციის ვადად განისაზღვროს:
- დასაწყისი: 2025 წლის 25 დეკემბერი
- დასასრული: 2026 წლის 16 იანვარი (ჩათვლით)
2. საკვალიფიკაციო მოთხოვნები
რექტორობის კანდიდატი შეიძლება იყოს პირი, რომელსაც:
- აქვს დოქტორის ან მასთან გათანაბრებული აკადემიური ხარისხი.
- აქვს უმაღლეს საგანმანათლებლო დაწესებულებაში ადმინისტრაციულ, სასწავლო და სამეცნიერო სფეროში მუშაობის გამოცდილება.
3. სარეგისტრაციო დოკუმენტაცია
რეგისტრაცია იწარმოებს როგორც მატერიალური, ასევე ელექტრონული ფორმით.
კანდიდატებმა დადგენილ ვადაში უნდა წარმოადგინონ (ჩააბარონ უნივერსიტეტის კანცელარიაში ან ატვირთონ ელ.ფოსტაზე):
| დოკუმენტი | შენიშვნა |
| ა) განცხადება | სსიპ – სამცხე-ჯავახეთის სახელმწიფო უნივერსიტეტის საარჩევნო კომისიის სახელზე |
| ბ) ავტობიოგრაფია (CV) | |
| გ) პირადობის დამადასტურებელი დოკუმენტის ასლი | |
| დ) დოქტორის ან მასთან გათანაბრებული აკადემიური ხარისხის ასლი | სანოტარო წესით დამოწმებული (უცხოენოვანი დოკუმენტის შემთხვევაში – სანოტარო წესით დამოწმებული ქართულენოვანი თარგმანი) |
| ე) შრომითი გამოცდილების დამადასტურებელი დოკუმენტი | |
| ვ) სამოქმედო გეგმა | |
| ზ) ცნობები | სქესობრივი თავისუფლებისა და ხელშეუხებლობის წინააღმდეგ მიმართული დანაშაულისთვის ნასამართლობის და უფლების ჩამორთმევის შესახებ. |
4. დოკუმენტაციის წარდგენის ადგილი/მისამართი
- მატერიალური ფორმით: სსიპ – სამცხე-ჯავახეთის სახელმწიფო უნივერსიტეტის კანცელარია.
- ელექტრონული ფორმით: [email protected]
რექტორის არჩევნები ცხადდება:
- „უმაღლესი განათლების შესახებ“ საქართველოს კანონის 21-ე მუხლის პირველი პუნქტის „ს“ ქვეპუნქტისა და 22-ე მუხლის მე-4, მე-7 და მე-8 პუნქტების,
- საქართველოს ზოგადი ადმინისტრაციული კოდექსის 51-ე, 52-ე და 53-ე მუხლების შესაბამისი პუნქტების,
- საქართველოს განათლებისა და მეცნიერების მინისტრის 2014 წლის 13 მაისის N52/ნ ბრძანებით დამტკიცებული უნივერსიტეტის წესდების მე-8 მუხლის პირველი პუნქტის „ფ“ ქვეპუნქტისა და მე-14 მუხლის მე-2, მე-4, მე-5 პუნქტების,
- წარმომადგენლობითი საბჭოს 2013 წლის 11 დეკემბრის N92 დადგენილებით დამტკიცებული „საარჩევნო დებულების“ მე-9, მე-10 (1-ლი, მე-2 პუნქტები) და მე-11 (1-ლი, მე-3, მე-4, მე-7 პუნქტები) მუხლების,
- აკადემიური საბჭოს 2013 წლის 2 ოქტომბრის N51 დადგენილებით დამტკიცებული აკადემიური საბჭოს რეგლამენტის მე-3 მუხლის პირველი პუნქტის „ტ“ ქვეპუნქტის თანახმად.