2026 წლის 14 სექტემბრის 11:00 საათიდან 18 სექტემბრის 18:00 საათამდე აბიტურიენტებს შესაძლებლობა ექნებათ მონაწილეობა მიიღონ ე.წ. მეორადი ჩარიცხვის პროცესში და აირჩიონ მათთვის სასურველი რაოდენობის საგანმანათლებლო პროგრამები.
მეორად ჩარიცხვაში მონაწილეობის უფლება აქვს აბიტურიენტს, რომელმაც:
- 2026 წლის ერთიან ეროვნულ გამოცდებზე თითოეული საგნისთვის განსაზღვრული მინიმალური კომპეტენციის ზღვარი გადალახა, თუმცა ჩარიცხვის უფლება ვერ მოიპოვა;
- 2026 წლის ერთიან ეროვნულ გამოცდებზე თითოეული საგნისთვის განსაზღვრული მინიმალური კომპეტენციის ზღვარი ვერ გადალახა, თუმცა დაძლია პროფესიული საგანმანათლებლო პროგრამებისათვის დადგენილი მინიმალური კომპეტენციის ზღვარი.
უმაღლესი და პროფესიული საგანმანათლებლო დაწესებულებების საგანმანათლებლო პროგრამებისა და აბიტურიენტთა მისაღები ადგილების შესახებ დეტალური ინფორმაცია მოცემული იქნება განახლებულ ელექტრონულ ბუკლეტში – „ცნობარი აბიტურიენტებისთვის“, რომელიც შეფასებისა და გამოცდების ეროვნული ცენტრის ვებგვერდზე – www.naec.ge 11 სექტემბერს გამოქვეყნდება.
დეტალური ინფორმაცია მეორად ჩარიცხვებზე: https://www.naec.ge/#/ge/post/3715
სამცხე-ჯავახეთის სახელმწიფო უნივერსიტეტში ვაკანტური ადგილები გამოცხადებულია შემდეგ პროგრამებზე:
- ქართული ფილოლოგია (ახალქალაქი) – 8 ადგილი
- ტურიზმი (ახალქალაქი) – 19 ადგილი
- ვეტერინარიის ინტეგრირებული სამაგისტრო საგანმანათლებლო პროგრამა – 42 ადგილი
- ინფორმაციული ტექნოლოგიები – 12 ადგილი
- აგრონომია – 7 ადგილი
